Кыргыз Республикасынын Энергетика министрлигинин 2026–2027-жылдардын күз-кыш мезгилине сапаттуу даярдык көрүү боюнча тапшырмасына ылайык, «Кыргызстан улуттук электр тармактары» ААКнын филиалы — Жалал-Абад электр тармактар ишканасы тарабынан бөлүштүрүүчү электр тармактарын жаңылоо жана эскилиги жеткен жыгач мамычаларды темир-бетон мамычаларга алмаштыруу иштери активдүү жүргүзүлүүдө.
Жыл башынан бери облус аймагында жалпысынан 816 даана темир-бетон мамыча орнотулду. Анын ичинен 694 даанасы СВ-105-3,5, ал эми 122 даанасы СВ-95-2 үлгүсүндөгү темир-бетон мамычалар.
Райондор боюнча аткарылган иштер:
Жүргүзүлүп жаткан иштердин алкагында 2026-жылдын ноябрь айына чейин облус аймагында дагы 281 даана СВ-105 жана СВ-95 үлгүсүндөгү темир-бетон мамыча орнотулат.
Темир-бетон мамычаларды орнотуу электр тармактарынын ишенимдүүлүгүн жогорулатып, авариялык өчүрүүлөрдүн санын азайтууга, ошондой эле керектөөчүлөрдү сапаттуу жана үзгүлтүксүз электр энергиясы менен камсыздоого өбөлгө түзөт.
